नवीन हलदूणवी

चबल़ चबुरकां मारदे ,अप्पू-पिच्छैं रोज l
वेस्हाबे हन मिछरदे ,दुनियां च नल़ीगोज़ ll

दुनियां च नल़ीगोज़ ,तोपदे पधरैं मच्छी l
कनैं नकम्मे खान , बगान्ने हिस्से भच्छी l

माड़े जो दबकान,जोरावर "नवीन"सबल़ l
लुट्टी जा सबरैंस ,चौबक्खैं चलाक चबल़ ll

नवीन हलदूणवी
09418846773

पुट्ठे परतण पैंतरे , इत्थू पत्तेवाज l
हज़रत कन्नैं तिकड़मी,दा के करना लाज ??

दा के करना लाज ,पता नीं चलणा दिंदे ?
पांदे खूब घचोल़ , अणमुक मेरिये जिंदे l

ताबड़तोड़ "नवीन" ,चलंगी-झुल्लण मुट्ठे l
पौआ दे हर रोज , असां दे पास्से पुट्ठे ll

नवीन हलदूणवी
09418846773

दुनियांदारी बोलदे , चार दिनां दा मेल l
करनीं पौंदी भुगतणा ,सोच्ची समझी खेल ll

सोच्ची समझी खेल ,गलांदे लोक सिआणे l
सुणनीं पौंदी धौंस , मुकी गे जेकर दाणे l

निभदी नीं ऐं सौग ,पुट्ठियां छाल़ां मारी l
मोह-माया "नवीन", झूठड़ी दुनियांदारी ll

नवीन हलदूणवी 09418846773

पेज